Som så mange stader på den moldovske landsbygda slit også Holoșnita med fråflytting. Dei siste tiåra har mange moldovarar søkt lukka utanlands. Saman med låge fødselstal og låg levealder, bidreg dette til ei demografisk krise på nasjonalt nivå, og i Holoșnita betyr det at andelen innbyggjarar som er over 50 er høg.
Kommunen har dei siste åra hatt ny politisk leiarskap, og desse satsar på å gjera kommunen meir berekraftig, også forankra i FN sitt 11. berekraftsmål: Berekraftige byar og lokalsamfunn (fn.no).
Eitt av prosjekta er ei ombygging av dagens rådhus, der andre etase står ubrukt gjennom mange tiår. Gjennom å leggja til rette for nye kontor, og også politikontor, i denne etasjen, skal fyrsteetasjen frigjerast, slik at det der kan etablerast helsesenter, hjelpemiddellager, apotek og postkontor. Forventninga er at dette både skal kunna bidra til auka livskvalitet og betre helse, til nye arbeidsplassar og til å dempa fråflyttinga. Kommunen har søkt om økonomisk støtte i form av EU-midlar til prosjektet, og har fått positivt svar med innvilga støtte til delar av det.
Hjelp Moldova har knytt kontakter i Holoșnita gjennom ei årrekkje, og tek også sikte på å bidra til delar av prosjektet. Vårt fokus vil då vere helsesenteret og hjelpemiddellageret som skal etablerast i fyrste etasje i det gamle rådhuset. Målet vårt er ikkje minst å bidra til innredning, og med å skaffa til veges hjelpemiddel som rullestolar, rullatorar og krykker, og dessutan utstyr til helsesenteret. Helsesenteret er meint å verta eit lågterskeltilbod med gratis prøvetaking og helsesjekk, og skal også samarbeida med barnehage og skule, medan hjelpemiddellageret skal tilby hjelpemiddel ved akutte behov og ved varige funksjonsnedsettingar.
Vil du vita meir om prosjektet, eller kan du eller verksemda di bidra? Ta gjerne kontakt med Hjelp Moldova. Kontaktoppsyningar finn du her.